Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Жиын жауынгерлік даярлықты жетілдірудің, әскери тәртіп пен құқықтық тәртіпті нығайтудың, әскерлер қызметі мен күнделікті тіршілік әрекетінің мәселелерін жақсартудың негізгі бағыттары бойынша өтеді, деп хабарлайды mangystaumedia.kz Қорғаныс министрлігіне сілтеме жасап.
Ақтау қаласының теңіз жаяу әскерлері бригадасының базасында Атырау, Ақтөбе, Маңғыстау және Батыс Қазақстан облыстарының аумағында әскери бөлімдерден тұратын өңірлік қолбасшылықтың басшылық құрамымен оқу-әдістемелік жиындар өтуде.
Оқу-әдістемелік жиынды өткізудің басты міндеті - жеке құрамды оқытудың және жауынгерлік даярлықты ұйымдастырудың бірыңғай әдістемесін әзірлеу болып отыр.
Үш күн ішінде жиынға қатысушылармен жауынгерлік даярлықтың барлық пәндері, қойма үй-жайларының барлық түрлерін ұстау ережелері, бөлімдерді материалдық-техникалық қамтамасыз ету бойынша оқу-әдістемелік сабақтар, сондай-ақ жиынға қатысушылармен сауалнама және психологиялық тестілеу өткізілмек.
"Жиынның басты мақсаты – командалық құрамның жауынгерлік даярлық іс-шараларын ұйымдастыру мен өткізудегі әдістемелік дағдыларын жетілдіру, әскерлер қызметінің мәселелерін жақсарту және өңірлік қолбасшылықтың 2023 оқу жылындағы қызметін қорытындылау", - деп атап өтті "Батыс" өңірлік қолбасшылығы әскерлерінің қолбасшысы генерал-майор Дәулет Оспанов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.